تصفيات مرشحي الدائره الثالثه

تم تحديث الصوره او اللسته في 7/5/08

تصفيات مرشحي الدائره الثالثه

زادو المرشحين

وزادت الخيارات!!

وعشان ما نظلم احد ونظرا لظيق الوقت

انا قلت اسوي تصفيات واللي يبقى منهم ازوره واسمعه واشوف اشسالفته

عاد انا شلت اللي شلته منهم

و انتو اذا عندكم واحد تشوفون انه لازم ينشال علموني عنه و قولولي ليش

و اذا واحد من اللي انا شايلهم تشوفون انه زين

نوروني وقولولي ارده و ليش ارده

ابحث عن كويتيه

والله خوش سفره والواحد كان يحتاج يغير جو

بس السالفه مو جذي

السفر فيه فوائد كثيره

و من الفوائد اليديده اللي تعلمتها بهالسفره ان اشلون اميز هالبنت العربيه ان كانت كويتيه ولا لاء

وبعد الدراسه والتدقيق اكتشفت اشلون اصيد الكويتيه من بين 1000 بنت

كل ما هنالك انك تبحث عن بعظ العلامات ،،، والي تتوفر فيها شغلتين من اللي براويكم اياه تكون 100% كويتيه

العلامات المميزه

أولا: اللبس

احجاب و اللبس ظيج و احيانا يطلع البطن

*****

ثانيا: الجنطه

الجنطه لازم تكون ماركه و العلم عند الله ان جانها اصليه ولا تقليد

*****

ثالثا: الراس

و هذي من العلامات البارزه والمميزه ،،، احجاب رأس الغورله المشهور واللي تناولناه بموظوع سابق

*****

رابعا: الويه

لازم ترسه مكياج سواءا الصبح ولا المسى ،، بالسوق ولا برحله بحريه ،، التصبغ لابد منه

*****

خامسا: رمز الهلاقه الوطني

يبدو لي ان الهيلق اجتمعو وقررو ان يحطون علامه اتميزهم عن الاوادم ،، فحطو هالشريطه مثل ما انتو شايفين

*****

سادسا: التراجي

الاذن بره الحجاب مثل اللي كنا انعيب عليهم اول + ترجيه امدندله تقول سيفون

*****
سابعا: الحواجب

هذي عاد حركه يديده ،، واتييب الويعه ،، حاولت اكتب عنها موظوع خاص بس من كثر ما اهي املوعه جبدي والله كل ما احاول اكتب الاقي نفسي قاعد اسب و العن و من حرصي على الذوق العام قررت ما اكتب بهالموظوع ،، لأن هالحركه ما ينفع تناولها بشكل موظوعي و مهذب

*****

واخيرا

اشتبوووووووووووووووووووووووووووون

يعني شوفي انا اكويتيه

مو كافي انكم امفشلين اعماركم

لا

لازم اتفشلون كل الكويتيات بالعالم

رجاااااااااااااااااااااااااااااااااااااء

اللي بتهلق كيفها ،،، حريه شخصيه ،،، بس ارجوكم سترو علينا وشيلو العلم بلاش فضايح

خَلَـصنـــا

3 in 1 belt

بعد ما تناولنا موضوع

bubble head style ،

و قبل ما نوصل لحل للمشكله ،،، ما وعينه الا و الابني هابيين بشغله او موظه يديده ... هالموظه هذي صراحه موحلوه و انا شخصيا احس انها اتفشل ولاهي عمليه ابدا ،،، هذا اللي خلاني افكر ان اكيد في سر ورا هالموظه اللي خلت الابني يسوونها ولا اظن انها فعلا عاجبتهم ،،،

وبعد تفكير عميق و بعد الدراسه والبحث ،،، توصلت اخيرا الى سر هالموظه و عرفت السبب اللي حد البنات على انهم يسوونها ،،، وحسيت ان واجب علي نشر هذي الدراسه للمنفعه العامه و حتى لا احرم احد من علمي و استنتاجاتي

بداية انقول شنهي هالموظه و انعرفها ،، تالي نقف على اسباب العمل فيها

الموظه هي

حزام الرئه

حزام الرئه هو حزام عادي مثله مثل غيره ،،، مير ان التسميه يت من مكان ربط هالحزام حيث ان الابني قامو يربطون حزمهم على الصدر ،، تقريبا صبعين فوق الحجاب الحاجز

السالف و مافيها ان الابني بعد ما ملو من احزام الخصر راحو و اربطو حزمهم على المكـ... و قالو

low waist .

والحين ملو من اللو وست ... فقاره وين يحطون احزمتحم !؟ بعد انتو حطو روحكم مكانهم ... شسوون ... يربطونه على اركبهم ؟؟!! هم بعد ما يصير ... لذا تفتقت اذهانهم وانفرجت اساريرهم و قالو ماكو الا الصدر انتييت شغلنه عليه

انا شخصيا ما كنت معارظ اللو وست... بالعكس كان شكلها جدا لطيف والحين انا خايف ان يندثر هالاستايل

المهم 0000

و قبل اي شيء انا فكرتلكم باسم لهذا الاستايل ... والتسميه مالتي يايه على اسس بيلوجيه و منطقيه و حسابيه بنفس الوقت

x=low .. y=waist .. z=breast

if y=z

"both are the body parts were the belt gona be around"

if x*y=xy

& x*z=xz

so xy=xz

and that's how we come to this conclusion....

فاذا كان الحزام اللي ينلبس حدر الخصر سموه

low waist

معناته الحزام اللي ينلبس حدر الصدرلازم انسميه

low breast

افتكر واظحه

كما اني وصلت في دراستي لحزام الرئه او اللو برست ان له ثلاث ابعاد000 اجتماعي و سياسي و اخيرا البعد الاقتصادي

اولا : البعد الاجتماعي

والمقصود فيه مسأله الموظه و تقبل المجتمع لها 000 و انا والله ما لقيت اي حلاه في هالموظه ولا تقبل لها الا من اللي يسوونها 000 ولا اقول انا هذا عيب فيها لكنه تقصير مني فأنا غير مختص في هالامور فارجو من الاشخاص المختصين القيام بدراسه لهذا الموظوع وموافاتني فيها

ثانيا: البعد السياسي

كما تعلمون ان البلد في الاونه الاخيره شهدت حركات سياسيه ما هي الا فعل و رده فعل ... والامثله على ذلك كثيره منها الحركات اللبراليه والاسلاميه ... المعارظه و الحكومه ... و اخيرا البرتقالي والازرق ... فمره وحده ظيفو عليهم حزب اللو وست و حزب اللو برست

ثالثا: البعد الاقتصادي

والبعد الاقتصادي هو اهم بعد و هو الاساس في المسأله كلها وهو مربط الفرس

السالف و مافيها هي ان الابني سوو هالطريقه بغرظ التوفير والاختصار
يعني بوظع الحزام بهذا المكان صار يأدي 3 ادوار في واحد

3 in 1 belt ...

فبريط الحزام على الصدر يكون قام بالاعمال التاليه ...

أولا: قام بعمل دور الحزام و هذا هو الاصل و بديهي

ثانيا: وجود صكه الحزام

"belt buckle"
على الصدر اصبح ماحاجه من لبس قلاده او قلب ما خلاص
الحزام واصل لين الرقبع ... شفتو العبقريه ... فصار حزام و اكسسوار بنفس الوقت.

ثالثا : بمكان الحزام اليدييد صار يقوم بدور الـــ

"Push - Up Bra"

... يعني المكان اليدييد ساندهم تمام ...

فصار حزام و اكسسوار و ستيان في آن واحد

مفهوم :)

for my new born daughter ...

I don't wish you joy without sorrow,

Nor endless day without the healing dark,

Nor brilliant sun without the restful shadow,

I wish you strength, and faith, and wisdom, and love,

I wish you songs, but also blessed silence,

And God's sweet peas when ever day is done.




الحمد لله الواهب
يتلي بنت و سميتها فاطمة
:) :) :) :) :) :) :) :) :)

Bubble Head Girls

تكلمنا في حلقه سابقه عن

Happy camel style & the happy camel conspiracy

وحاولنا انوظح فكره ان اللي حاصل مو غلطه الشباب لكنها مؤامره ظدهم و اهم ظحايا هالمؤامره.

اما حلقه اليوم فراح نتناول فيها ظاهره خاصه بالبنات و موظه يديده هابيييين فيها وانحاول انأصل هذه الظاهره ونكشف اساسها ياي منوين

الموظه هي

bubble head style..

بابل هد مصطلح يطلق على الانسان اللي مخه فاظي ولا يفتهم شي و مشغول بالسخافات

الا ان بعض البنات "من زود الغباء" عبالهم ان هذي موظه و ترجموحا حرفيا و البسو احجاباتهم على اساسها
و حطو فوق راسهم تفخه جنها فقاعه عوده تقول حامل من راسها وقالوا كشخه !!!

و انشغلو الناس بطريقه عملها...
اللي قال شباصه وارمه ، واللي قال ادلاغات املوته ، و اخيرا قالو ان الابني يحطون قوطي روب و امحمظ بعد

واللي سماها ظهر ابعير و اللي سماها ما ادري اشسماها .... الحين اقول

هذا كله مو مهم

المهم الفكره مقتبسه من وين؟

بعد البحث والتدقيق ومراجعه المصادر التاريخيه وكتب القانون وغيرها
وصلت حق النتيجه التاليه

هالشكل ماخذينه من راس الغوريلا...!

واذا مو مصدقين شوفو المستندات التاليه

افتكر واظح :)

happy camel

اول ما شفت هالصوره تفاجأت و بغيت اظحك
لكني لما فكرت فيها شوي لقيت ان هالمنظر ما عاد غريب ولا مميز

قعد افكر اشوي انا وين شايف هالويه وين شايفه؟؟؟؟؟

تالي عرفت ان هالمنظر صرت اشوفه كل ما اروح مول او ادش مطعم
تذكرت ان الشباب وايد منهم اصبح يعمل استايل اللي انا قررت اسميه...

happy camel style

لاعت اجبودنا من هالستايل :(

وعلى صعيد الكره الكويتيه استنتجت اخيرا ان هالجمل يصير ولد الجمل مال كاس العالم جان تذكرونه
لكن تربيته لكم عليها اشوي
وبالتالي انعكست اثارها على المنتخب

خلاصه الكلام انا اقول ان في مؤامره على الكويت ... و اسم هالمؤامرة

happy camel conspiracy
(H.C.C)

خلونا نتحد و انحارب هالمؤامره و نعمل ثوره انسميها

Kill the happy camel !!!

مفهوم :)